avatar
  • 78 قراءة

  • نشر في Tuesday, th Jun 2019

طرق الدفع عبر الإنترنت

جربت طرق #للدفع والتحويل كثيرة و حبيت انقللكم تجربتي الشخصية بكل طريقة حتى تستفيدوا او اذا حدا عنده طرق افضل يفيدني بكون ممنونة 👏

1_ ويسترن يونيون: هي افضل واسرع طريقة للدفع خلال ساعة وحدة فقط المبلغ بيكون بين أيديكم والعمولة بتكون من 7_10% من اجمالي المبلغ. عالاغلب بيتحملها الكلاينت. بتنفع لما تتعامل مع الزبون خارج المنصات يعني من سوشيال ميديا مثلا واريح واسلس في التعامل.

الالية: بيطلب منك الزبون الاسم والعنوان و ال ID و بيبعتلك رقم الحوالة بتروح على البرعصي او اي مكتب بتعطيه الرقم مع الهوية و بتستلم المبلغ. بتمضي على ايصال متل الي تحت (استلموا المبلغ بالعملة الي اتفقتوا عليها وما تبدلوا من عندهم)

2_ اكسبريس ماني ( express money): مثل ويسترن يونيون اجراءتها لكن بتختلف في المدة و الضريبة. بتاخد 24_48 ساعة لحتى توصلك بس عمولتها اقل بتكون 5% على اي مبلغ. و طبعا نفس طريقة و اجراءات ويسترن يونيون.

3_ ماني جرام ( money gram ): طريقة ممتازة جدا للمبالغ الكبيرة ممكن تعملها عن طريق مكتب او عن طريق بنك فلسطين او بنك القدس. بيوصلك المبلغ في 1_3 ايام الميزة الي فيها انه الضريبة جدا قليلة 5$ لكل 1000$ !

4_ باي بال (paypal ): هو عبارة عن بنك الكتروني دولي بس تحول عليه بياخد عمولة 2$ و بس تسحب منه اي مبلغ مهما كان بياخد عليه 5$ فقط، بس علشان تضلكم بالsave side وما تخاطرو بحساباتكم ( ما تفتحوا الحساب من مكان غير البيت مثلا عشان موضوع ال IP ، شغلة تانية خلي كل سحبة اقل من 500 $ لحتى تضمن ما يتعرض حسابك للشك والفحص)

5_ بيونير: نفس نظام باي بال هو عبارة عن بنك امريكي العمولة فيه 3.15$ على كل عملية تحويل.

6_ البنوك: المنصات متل فريلانسر بعد ما توصل لالف دولار بيسمحوا تحول مباشرة عالبنك . هاي انا لهلأ ما جربتها ، بس بناء على تجربة Ibrahim و Salah الضريبة بتكون في حدود 30 $ لكل حركة.